| ОПШТО ЗА КСС |
| Конфедерацијата на слободните синдикати на Македонија ги обединува сите работници независно од нивната национална, верска или социјална припадност и пол, врз принципот на солиданост, во едно слободно, демократско и независно синдикално движење. КСС е целосно и искрено посветена единствено на одбрана и почитување на правата и потребите на работните граѓани и како синдикално движење е целосно настрана од влијанијата на политичките партии и работодавците. Основањето и формирањето на Конфедерацијата е реализација на толку потребната темелна промена, нова насока во синдикалното движење во Македонија со цел да се врати надежта на работниците во просперитетот и да се врати почитта кон трудот. Конфедерацијата се води врз принципите на демократија, човекови права, социјална правда и солидарност и дејствува во одбрана на темелните права кои се загарантирани во секое демократско општество. |
| ОСНОВАЊЕТО НА КСС |
Основачкиот конгрес на Конфедерацијата на слободни синдикати на Македонија се одржа на 28 декември 2005 година. Конфедерацијата беше формирана од страна на:
КСС се оформи како резултат на стремежот да се формира реформиран и модерен синдикат кој за прв пат во Македонија ќе биде вистинскиот репрезент на потребите на своите членови. КСС се формираше со задача да обезбеди нова и вистинска опција за работниот човек во Македонија. Формирањето на новата синдикална организација беше силно поддржано од меѓународното синдикално семејство, но и од интелектуалното ткиво и прогресивните сили во РМ, и доживеа огромна поддршка од работниците и граѓаните во земјата. На почеткот на своето формирање, КСС броеше околу 53.000 члена. Процесот на регрутирање на нови членови е постојан, и нашиот синдикат во меѓувреме порасна на околу 70.000. Според Статутот, членството се организира во грански синдикати, кои пак, сочинуваат две Федерации – Федерација на синдикатите од јавниот сектор и Федерација на синдикатите од стопанството. Иако релативно млада, КСС во изминатиот период значително порасна и формира нови грански синдикати. Во КСС членки се следните синдикати:
|
